Horwatiýaly goragçy Ýoşko Gwardiol gorag oýunçysy üçin rekord baha “RB Leýpsigden” “Mançester Sitä” geçdi. HBS-iň maglumatlaryna görä, Gwardiolyň transfer bahasy 90 mln ýewro we bonus hökmünde ýene 10 mln ýewro boldy. Ol bu görkeziji boýunça 2019-njy ýylda “Mançester Ýunaýtediň” 87 mln ýewro satyn alan oýunçysy Garri Maguaýrdan öňe geçdi diýip, championat.com belleýär.
“Men Angliýada oýnamagy hemişe arzuw edipdim, indi “Mançester Siti” bilen oýnamak – ýaňy geçen möwsümden soň meniň üçin hakyky hormat. Geçen möwsümde “Mançester Sitiniň” oýnuny gören islendik adam onuň dünýädäki iň gowy topardygyny bilýär. Trebl bu toparyň hili barada bilmeli zatlaryňyzyň hemmesini aýdýar. “Sitä” goşulyşmak – bu meniň we meniň maşgalam üçin aýratyn bir zat.
Pep Gwardiola bilen işleşmek mümkinçiligini gazanmak hem ajaýyp bolar. Men özümiň heniz taýýar däldigimi bilýärin, ýöne men oýnumyň futbolyň iň gowy tälimçisiniň ýolbaşçylygynda kämilleşjekdigine ynanýaryn” – diýip, klubuň metbugat gullugy horwatiýaly oýunçynyň sözlerini getirýär.
