Horwatiýanyň ýygyndysynyň goragçysy Ýoşko Gwardiol Germaniýanyň «Leýpsiginden» «Mançester Sitä» geçdi. Bu barada iňlis klubunyň metbugat gullugy habar berdi.
The Atletic portalynyň habaryna görä, transfer 90 million ýewro barabar bolup, şertnama bäş ýyllyk baglaşyldy. Gwardiol “Mançester Sitiniň” iň gymmat satyn alan ikinji oýunçysy boldy. Birinji ýeri 2021-nji ýylda 117,5 million funt sterlinge “Aston Willadan” geçen iňlis ýarym goragçysy Jek Griliş eýeleýär.
Gwardiol “Leýpsig” üçin dürli ýaryşlarda 87 gezek çykyş edip, bäş gol geçirdi we üç gezek netijeli pas berdi. Klubyň düzüminde iki gezek Germaniýanyň kubogyny aldy. Ondan öň goragçy Zagrebiň “Dinamosynyň” wekili bolup, iki gezek Horwatiýanyň çempionatynda we bir gezek ýurduň kubogynda hem-de Super kubogynda ýeňiji bolupdy. Gwardiol Horwatiýanyň milli ýygyndysy üçin 21 oýun oýnady we iki gol geçirdi.
2022/23 möwsüminde “Mançester Siti” taryhda ilkinji gezek Çempionlar ligasynda ýeňiji boldy, şeýle hem trebli resmileşdiren sekizinji topar boldy (milli çempionat we kubok, şeýle hem Çempionlar ligasy).
