Sport harytlaryny öndüriji Adidas AG 2023-nji ýylyň ikinji çärýeginde arassa girdejisini bir ýyl ozalky 294 mln ýewrodan 84 mln ýewro çenli azaltdy. Bu barada kompaniýanyň hasabatynda aýdylýar diýip, interfax.ru habar berýär.
Kompaniýanyň çärýek girdejisi ýyllyk aňlatmasynda 5%, 5,34 mlrd ýewro çenli azaldy. EMEA sebitinde (Ýewropa, Ýakyn Gündogar we Afrika) girdeji 4,8% (walýuta hümmetiniň üýtgemelerini hasaba almazdan 0,8%) azalyp, 1,98 mlrd ýewro boldy.
Demirgazyk Amerikada görkeziji 18,1% (16,4%), 1,4 mlrd ýewro çenli pese gaçdy, Hytaýda (Gonkong we Taýwan bilen birlikde) 6,5% (16,4%), 766 mln ýewro çenli ýokarlandy.
Aziýa-Ýuwaş umman sebitinde satuw üýtgemedi diýen ýaly (7% ýokarlandy), ol 550 mln ýewro boldy, Latyn Amerikasynda bolsa 16,4% (29,8%), 596 mln ýewro çenli ýokarlandy.
Kompaniýanyň operasion girdejisi aprel – iýun aýlarynda bir ýyl ozalky 392 mln ýewrodan 176 mln ýewro çenli azaldy.
2023-nji ýylda Adidas girdejiniň, walýuta hümmetiniň üýtgemegini hasaba almazdan, 4-6% peselmegine garaşýar. Operasion ýitginiň bolsa 450 mln ýewro bolmagyna garaşylýar.
