Ykjam tehnologiýalaryň önümçiligine ýöriteleşen «RAZ Mobility» amerikan kompaniýasy görüş ukyby bozulan adamlar üçin ýörite işlenilip düzülen «SmartVision 3» smartfonyny tanyşdyrdy diýip, gazeta.ru habar berýär.
Bu telefon «Android» operasion ulgamynda işleýär hem-de sensorly ekrany we fiziki düwmeleri özünde jemleýär. «SmartVision 3» smartfony körleriň we görüşi pes adamlaryň rahat hem-de howpsuz peýdalanmaklary üçin birnäçe aýratynlyklara eýedir. Mysal üçin, ol telefony ses araly dolandyrmaga we tekst ýazmaga mümkinçilik berýän «Google Assistant» kömekçisini işletmek üçin ýöriteleşdirilen düwmä eýedir. Şeýle hem smartfon pul birlikleriniň nominalyny, reňkleri, ýagtylygyň derejesini kesgitlemäge we suratlary ulaltmaga kömek edýän ýörite ykjam goşundylar bilen üpjün edilýär.
Telefonda 3,5 dýuýmlyk sensorly ekran we T9 klawiaturasy ornaşdyrylar. Onuň arka tarapynda barmak yzyny tanaýjy gurluş, 16 Mp-lik hem-de 2 Mp-lik iki sany kamera, merkezinde bolsa 5 Mp-lik selfi datçigi bardyr. Şeýle hem smartfon goşmaça ýat hem-de gulakly üçin bölüm, 4G, Wi-Fi, Bluetooth we NFC ulgamlary bilen üpjün ediler.
