Amerikan futbol kluby “Inter Maýami” argentinaly hüjümçi Lionel Messi bilen şertnama baglaşdy. Bu barada toparyň metbugat gullugy habar berýär diýip, TASS belleýär.
Oýunçy bilen şertnama 2025-nji ýylyň möwsüminiň ahyryna çenli niýetlenýär.
“Men karýeramdaky indiki ädimiň öňünde diýseň tolgunýaryn. Bu ajaýyp mümkinçilik we biz bilelikde ajaýyp taslama gurmagy dowam etdireris. Pikir öňde goýlan maksatlara ýetmek üçin bilelikde işlemekden ybarat we men täze toparyma kömek edesim gelýär” – diýip, Messi aýdýar.
“Inter Maýami” Demirgazyk Amerikanyň Esasy futbol ligasynyň (MLS) Gündogar konferensiýasynyň ýaryş jedwelinde iň soňky, 15-nji orny eýeleýär. Topar 21 tapgyrdan soň 18 utuk gazandy.
ESPN teleýaýlymy Messiniň amerikan klubunyň düzüminde 22-nji iýula geçilýän gije ilkinji oýnuny oýnajakdygyny habar berdi. Şol gün topar MLS-den we Meksikanyň çempionatyndan toparlaryň gatnaşmagynda geçirilýän Leagues Cup ýaryşynyň toparlaýyn tapgyrynyň çäklerinde Meksikanyň “Krus Asul” kluby bilen oýnar.
