Saud Arabystanynyň Saudi Aramco milli nebit kompaniýasy 2030-njy ýyla çenli gaz önümçiligini 50-60% ýokarlandyrmagy meýilleşdirýär. Al Arabiya teleýaýlymynyň habar bermegine görä, çarşenbe güni kompaniýanyň baş direktory Amin Nasser bu barada mälim etdi.
Teleýaýlymyň habaryna görä, ozal Saud Arabystanynyň Energetika ministri goşmaça 4000 km turbageçiriji gurmak arkaly patyşalygyň gaz önümçiligini 60% ýokarlandyrmagy meýilleşdirýändigini aýdypdy.
Saudi Aramco -nyň 2022-nji ýyldaky soňky hasabatyndan görnüşi ýaly, tebigy gaz we etanyň öndürilişiniň ortaça mukdary günde 10,6 milliard kub fut (günde takmynan 300 million kub metr) boldy. Kompaniýa patyşalykda ýeke-täk gaz üpjün edijisidir, şeýle hem ugurdaş gazy we gaz kondensatynyň bir bölegini eksport edýär. Jafura adaty bolmadyk gaz ýatagy ýurtdaky iň ulusydyr. Onuň ätiýaçlyklary 56,6 milliard kub metre deňdir.
