Argentinaly futbolçy Lionel Messi indi dünýä çempionatlarynda çykyş etmejekdigini aýtdy. Bu barada sport-interfax.ru habar berýär.
“Bu (Katardaky DÇ-2022) meniň iň soňky dünýä çempionatymdy. Işleriň nähili bolýandygyny göreris, ýöne, umuman, ýok, men indiki dünýä çempionatyna gitmerin” – diýip, “Marca” Messiniň sözlerini getirýär.
35 ýaşly Messi bäş dünýä çempionatynda çykyş etdi, 2022-nji ýylda Katarda geçirilen dünýä çempionatynda ol altyn medalyň eýesi boldy. Ol şu ýylyň iýun aýynda Fransiýanyň “Pari Sen-Žermen” klubuny terk etdi, soňra “Inter Maýami” amerikan klubuna geçendigini mälim etdi.
