Urugwaýly futbolçy Luis Suares argentinaly Lionel Messi we braziliýaly Neýmar bilen karýeralaryny bir toparda tamamlamak barada ylalaşandygyny aýtdy.
Suares, Messi we Neýmar 2014-nji ýyldan 2017-nji ýyl aralygynda Ispaniýanyň “Barselona” toparynda bile oýnadylar. Urugwaýly oýunçy Messi bilen bilelikde 258 oýna, Neýmar bilen 124 oýna gatnaşdy.
“Biz (Messi we Neýmar bilen) bu barada ylalaşdyk. Biz karýeramyzyň soňky günlerini bir klubda geçireris diýip umyt edýäris. Futbolyň şatlygyndan lezzet alýarys, özümiziň isleýşimiz ýaly oýnaýarys we pensiýa bile çykýarys. Neýmar bilen bagly nähili boljagyny bilemok, ýöne biz Messi bilen gürrüňsiz bilelikde tamamlarys” – diýip, “Sportskeeda” Suaresiň sözlerini getirýär.
Häzirki wagtda Suares Braziliýanyň “Gremio” toparynyň düzüminde çykyş edýär, Messi “Inter Maýamä” geçdi, Neýmar bolsa “Pari Sen-Žermende” oýnaýar. Öň, urugwaýly oýunçy Esasy futbol ligasyna (MLS) geçip bilmeýändigini, sebäbi onuň häzirki şertnamasynyň 2024-nji ýyla çenli niýetlenendigini aýtdy.
