Argentinanyň milli ýygyndysynyň düzüminde dünýä çempiony Lionel Messi Demirgazyk Amerikanyň Esasy futbol ligasynyň (MLS) “Inter Maýami” kluby bilen şertnama baglaşar. Bu barada futbolçy “Mundo Deportivo” tarapyndan çap edilen interwýuda habar berdi diýip, rsport.ria.ru belleýär.
“Inter Maýaminiň” eýeleriniň toparyna Angliýanyň milli ýygyndysynyň öňki kapitany Dewid Bekhem girýär.
“Men Maýamä gitmek kararyna geldim. Mende Ýewropa toparlaryndan gelen tekliplerem bardy, ýöne men olar barada hatda pikirlenmedimem, sebäbi meniň “Barselona” geçmek, eger bolmasa, Ýewropa futbolyndan gitmek meýilnamam bardy” – diýip, Messi aýtdy.
Öň, HBS-de “Inter Maýaminiň” Messä 200 mln dollarlyk şertnama teklip edendigi barada maglumatlar peýda boldy. Şol bir wagtyň özünde MLS klublary hüjümçi karýerasyny şu ýaryşda dowam etdirse, zähmet hakynyň bir bölegini bilelikde tölemäge taýýar. Bellenilişi ýaly, argentinaly oýunçy 2026-njy ýylda ABŞ-da, Kanadada we Meksikada geçiriljek futbol boýunça dünýä çempionatynyň mahabat kampaniýasyna-da gatnaşyp biler.
