«Interiň» futbolçylary iki oýnuň netijeleri boýunça «Milandan» üstün çykyp, Çempionlar ligasynyň finalyna çykmagy başardylar.
17-nji maýa geçilýän gije geçirilen jogap duşuşygynda «Inter» 1:0 hasabynda ýeňiş gazandy. 74-nji minutda goly Lautaro Martines geçirdi.
Birinji duşuşykda «Inter» 2:0 ýeňipdi.
Finalda «Inter» «Mançester Siti» — «Real» jübüdiniň ýeňijisi bilen duşuşar. Birinji oýunda bu klublar Madridde 1:1 oýnadylar, jogap oýny şu gün Mançesterde geçiriler.
Final duşuşygy 10-njy iýunda Stambulda geçiriler.
