Çempionlar ligasynyň çärýek finalynyň jogap duşuşygynda «Interiň» futbolçylary «Benfika» bilen deňme-deň oýnadylar.
Milanda geçirilen duşuşyk 3:3 hasap bilen tamamlandy. «Interiň» düzüminde Nikolo Barella (14-nji minut), Lautaro Martines (65) we Hoakin Korrea (78) tapawutlandy. «Benfikada» Fredrik Eursnes (38), Antoniu Silwa (86) we Petar Musa (90+5) gol geçirdi.
«Inter» birinji oýunda 2:0 ýeňiş gazanyp, iki oýnuň netijesi boýunça ýarym finalyna çykdy. Ýarym finalda «Inter» «Milan» bilen duşuşar.
