Russiýaly Ýan Nepomnýaşşiý bilen hytaýly Din Liženiň arasynda 2023-nji ýylyň dünýä çempiony adyny almak ugrundaky ýaryşyň üçünji oýny deňme-deň tamamlandy. Bäsleşikler Astanada (Gazagystan) geçirilýär.
Nepomnýaşşiý üçünji oýunda ak mallar bilen oýnady we birneme artykmaçlyga eýe boldy, ýöne Ližen russiýaly küştçiniň ähli hüjümlerine üstünlikli jogap berdi. Garşydaşlar 30-njy ädimde deňme-deň netijä razy boldular.
Üçünji oýundan soň hasap Nepomnýaşşiniň peýdasyna 2:1 boldy. Indiki oýun 13-nji aprelde geçiriler.
Düzgüne laýyklykda, dünýä çempionlygy ugrundaky ýaryş 14 oýundan ybarat bolar, deňme-deň bolan halatynda, olaryň netijeleriniň esasynda dört oýundan ybarat taý-breýk geçiriler. Eger-de taý-breýkem ýeňijini ýüze çykarmasa, küştçüler blis we ondan soň bolsa “ölüm oýny” diýilýänini oýnarlar.
