Küşt boýunça dünýäniň çempiony ady ugrunda russiýaly grossmeýster Ýan Nepomnýaşşiý bilen hytaýly Din Liženiň arasyndaky birinji oýun deňme-deňlikde tamamlandy. Duşuşyk Astanada geçdi.
Duşuşyk başlamazdan öň birinji simwoliki göçümi Gazagystanyň medeniýet we sport ministri Ashat Oralow we Halkara küşt federasiýasynyň (FIDE) prezidenti Arkadiý Dwarkowiç göçdi.
Russiýaly türgen aklarda oýnady.
Partiýa 49-njy göçümde tamamlandy. Birinji oýundan soň hasap — 0,5:0,5. Ikinji partiýa şu gün, 10-njy aprelde 14:00-da (aşg. wagty) başlanar. Bu gezek aklarda Ližen oýnar.
2022-nji ýylda dalaşgärleriň ýaryşynda ýeňiş gazanan Nepomnýaşşiý dünýäniň küşt täjini almak ugrunda ýaryşda Magnus Karlsen bilen duşuşmalydy. Emma norwegiýaly türgen titulyny goramakdan ýüz öwürdi. Karlsene derek ýaryşa dalaşgärler ýaryşynda ikinji orny eýelän Din Lien çykdy.
32 ýaşly Nepomnýaşşiý dünýäniň çempiony adyny almak ugrunda ýaryşa ikinji gezek gatnaşýar. 2021-nji ýylda ol 3,5:7,5 hasap bilen Karlsenden ýeňildi.
