MSCHF amerikan brendi birbada iki tarapdan geýip bolýan BWD atly geň krossowkalary çykardy. Bu barada Highsnobiety habar berýär diýip, rbclife.ru belleýär.
Aýakgabyň aýak üçin iki geýilýän ýeri bolup, bir tarapdan ol krossowka bolup hyzmat etse, beýleki bir tarapdan dabany ýarysyndan açýan sandala ýa-da mýula meňzeýär.
Modeliň dizaýny barada aýdylanda, bu ýerde hem brendiň adyny, hem köp sanly deriden reňkli goşundylary, reňk syçratgylary bilen asimmetrik aýakgap dabanyny we zolaklaryň şekillerini görmek bolýar. Täze aýakgap 12-nji aprelde satuwa çykar, takyk bahasy heniz belli däl.
MSCHF brendi 2016-njy ýylda bruklinli dizaýnerleriň topary tarapyndan esaslandyryldy. Ol käwagt uly dawalara we kazyýet işlerine sezewar bolan prowokasion aýakgap modelleri sebäpli meşhurlyk gazandy. Mysal üçin, kompaniýa adam gany we Nike logotipiniň şekili bilen Satan Shoes atly krossowka çykardy. Birnäçe wagtdan soň sport egin-eşikleri brendiniň wekilleri aýakgaby döretmäge hiç hili gatnaşyklarynyň ýokdugyny aýdyp, MSCHF-a garşy kazyýete arza berdiler. Bruklinli dizaýnerler krossowkany satuwdan aýyrmaga mejbur boldular.
