Ähli döwürleriň iň köp aýlyk alýan türgenleriniň sanawy düzüldi. Sanawyň birinji setirinde ady rowaýata öwrülen Maýkl Jordan durýar, baýlygy 3,3 milliard dollar diýlip bahalandyrylýar diýip, «MIR 24» habar berýär.
Meşhur «Sportiko» žurnalynyň wersiýasy boýunça: boksçy, tennisçi, iki futbolçy, iki basketbolçy we dört golfçy - bular iň baý on türgen. Olar bilelikde 18 milliard dollardan gowrak girdeji gazandylar.
Ähli türgenleriň arasynda iň baýy basketbolçy Maýkl Jordan. Basketbol oňa 3,3 milliard dollaryň diňe az bölegini getirdi. Maýkl özboluşly telekeçi. NBA-da 15 möwsümiň içinde umumy girdejisiniň bary-ýogy 4%-ni ol oýny bilen gazandy, bu häkibir 90 million dollar. Galan girdejileri - öz egin-eşik hataryna, Liganyň paýnamalaryna we mahabat şertnamalaryna üstünlikli maýa goýumlaryndan geldi.
Döwürleriň iň baý türgenleriniň sanawynda ikinji we üçünji orunda iki golfçy - Taýger Wuds bilen Arnold Palmer durýar. Wuds sportyň taryhynda ilkinji bolup 1 milliard dollar girdejä ýetdi.
Dördünji setirde golfyň başga bir rowaýaty türgeni Jek Niklaus durýar. Dört golfçynyň birbada ilkinji onluga girmegi tötänleýin däldir: oýunçylar esasy girdejilerini harytlary telekeçiler tarapyndan ulanylýan saýlama brendler bilen baglaşan mahabat şertnamalaryndan alýarlar. Olar hem öz gezeginde köp meseläni golf oýnunyň başynda çözýärler we şertnama baglaşýarlar.
Esasy futbol ýyldyzlary Kriştianu Ronaldu bilen Lionel Messi sport ugrundan jübüsi galyňlaryň sanawynda 5-nji we 7-nji orunda barýarlar.
