«Krid» boks trilogiýasynyň üçünji bölümi dünýä kassa ýygymynda öňdelikçi boldy. Film franşizanyň iň gowy netijesini görkezdi, hepdäniň ahyrynda ilkinji gezek 100,4 million dollar gazandy.
Ýygnalan pullaryň 58,4 million dollary Demirgazyk Amerikadan, 41,8 million dollary bolsa halkara sebitlerinden geldi. Trikwel baş keşpde oýnaýan Maýkl B. Jordanyň ilkinji režissýorlyk çykyşyny alamatlandyrdy. Filmde Jonatan Meýjers we Tessa Tompson dagy hem surata düşdüler.
"Krid" spin-off we şol bir wagtda Silwestr Stallone-niň oýnaýan "Rokki" franşizasynyň dowamydyr. Golliwudyň öňdebaryjy studiýalarynyň işiniň bes edilendigi sebäpli Russiýada üçünji bölüm resmi taýdan çykmaz.
Şol bir wagtdam, "Garynja adam we Ary: Kwantomaniýa" komiksi dünýädäki kassa ýygymynda 400 million dollardan gowrak (419,5 million dollar) girdeji gazandy. Geçen hepde bu film Marvel studiýasynyň taryhynda kassa ýygymy boýunça iň uly pese gaçyşy başdan geçirdi.
