Netflix kompaniýasynyň “Uensdeý” (“Wednesday”) serialy meşhurlygy boýunça HBO-nyň “Aždarhanyň öýi” serialyndan öňe geçdi. Bu barada burninghut.ru habar berýär. Hünärmenler serialyň bu üstünligini täsin galdyryjy diýip bellediler. Şeýle tomaşa sanyny heniz hiç bir şou ýygnamandy.
Samba TV kompaniýasynyň hasabatyna görä, adatça seriallar ekrana çykanlaryndan soň diňe ilkinji iki hepdede tomaşaçylaryň ünsüni çekýärler. Ýöne “Uensdeý” bilen ýagdaý başgaça boldy. “Addams maşgalasynyň” spin-offy iki hepdäniň dowamynda Netflix-iň ähli abunaçylarynyň umumy sanynyň 66%-ini özüne çekdi we ýene uzak wagtlap seriallaryň öňünde durmagy başardy. Premýerasyndan soň birnäçe aýyň geçendigine garamazdan häli-häzirem bu serial ýatlanylýar we gürrüň edilýär.
Şeýle üstünlige “Aždarhanyň öýi” hem ýetdi. 40 günüň dowamynda teleserial tomaşa sany boýunça iň gowularyň reýtinginde öňdebaryjy orunlary eýeledi.
Samba TV “Uensdeýiň” üstünligini onuň sosial ulgamlarda “wirusa” öwrülip, ýaş auditoriýany özüne çekendigi bilen baglanyşdyrýar. Jenna Orteganyň meşhur tansy TikTok-da esasy trend boldy. Sosial ulgamyň ulanyjylary aktrisanyň obrazyny we hereketlerini gaýtalap, milliondan gowrak wideo ýazgy etdiler.
