Toyota kompaniýasy Grand Highlander diýip atlandyryljak uly krossoweriniň ilkinji gezek suratyny çap etdi.
Täze ulagy aktual wsedorožnigiň bazasynda gurarlar, ýöne ol gabaralyrak hem giňiräk görünýär. Toyota Grand Highlander-iň resmi tanyşdyrylyşy 8-nji fewralda Çikago awtosalonynyň çäklerinde geçer.
Resmi surat garaňkyradylypdyr, ýöne ony fotoredaktoryň kömegi bilen ýagtyldyp bolýar. Birinji suratda geljekki täze ulagyň yzky gapysy görünýär: ol öz formasy boýunça häzirki Highlander-iň bäşinji gapysyndan görnetin tapawutlanýar. Krossower modeliň ady ýazylgy hromlanan urundy bilen birleşdirilen öz hususy çyralaryna eýe bolar.
Grand Highlander-iň yz tarapynda hem Platinum (bu komplektasiýanyň ady) we Hybrid Max ýazgylary ýerleşdirilen - bu, görnüşine görä, güýç gurluşynyň tipini ýaňzydýan bolmaly. Owal şuňa meňzeş atly güýç gurluşyny Toyota Crawn alypdy: bu modelde 2,4 litrlik benzin motory bar we 345 a.g we aýlanýan pursady 542 Hm bilen elektrohereketlendirijini ösdürýärler.
Uly krossoweriň esasy bazary Demirgazyk Amerika bolar diýip garaşylýar. Bu ýerde Grand Higlander häzirki Highlander bilen uly aýnaly Sequoia wnedorožniginiň aralygyndaky orny eýelär.
