Nepomnýaşşiý Fişeriň küşti boýunça dünýä çempionatynyň finalynda amerikaly küştçi Nakamuradan utuldy.
Russiýaly grossmeýster Ýan Nepomnýaşşiý Fişeriň küşti boýunça dünýä çempionatynyň finalynda amerikaly küştçi Nakamuradan ýeňildi we turniriň kümüş baýragyna mynasyp boldy. Turniriň Islandiýanyň Reýkýawik şäherinde geçen aýgytlaýjy oýnunda bäsdeşleriň hersi bir gezek utdy we iki gezek deňme-deň oýnadylar. Şeýlelikde, dört partiýa oýundan soň hasap deňme-deň boldy we çempion titulynyň ykbaly armageddonda kesgitlendi, ýagny Nakamura güýçli bolup çykdy, netijede özüne çempion titulyny gazandy.
Bürünç medal ugrundaky göreşde norwegiýaly türgen Magnus Karlsen Özbegistanyň wekili Nodirbek Abdusattorowdan 3:1 hasap bilen üstün geldi.
