Futbol ýyldyzy, “Pari Sen-Žermen” klubunyň hüjümçisi Lionel Messi tutuş dünýä boýunça sporta, KHBS-e we tehnologiýa maýa goýmak üçin Play Time holding kompaniýasyny esaslandyrdy. San-Fransiskoda ýerleşýän bu kompaniýa “Messiniň esasy maýa goýum guralyna öwrüler”.
Maýa goýum kompaniýasy durmuşa geçirmegiň dürli tapgyrynda bolan taslamalara maýa goýar, mysal üçin, faunderlere futbol-tehnologiýa kompaniýalaryny döretmäge ýa-da toparlara maýa goýmaga kömek eder diýip, Bloomberg agentligi habar berýär. Muny incrussia.ru ýetirýär.
“Men Kremniý ýaýlasynda kökümizi giňeldýändigimize şat we men Play Time-yň dünýäniň dürli künjeginden batyrgaý telekeçiler bilen hyzmatdaşlyk etjekdigine begenýärin” – diýip, Messi aýdýar. Göz öňünde tutulýan maýa goýumlaryň möçberi habar berilmeýär.
Play Time kompaniýasyny Graph Ventures kompaniýasynyň hyzmatdaşy Razmig Owagimýan dolandyrar, ýörite maslahatçy Code Advisors LLC maýa goýum bankyny esaslandyryjy hyzmatdaş Maýkl Markes bolar.
Kompaniýanyň ilkinji goşandy noýabr aýynda futbol boýunça dünýä çempionaty başlanmazdan öň işe girizilmegi meýilleşdirilýän Matchday.com taslamasyna maýa goýum bolar. Onuň esaslandyryjysy – Owagimýan. Holding AC Momento futbol startapynda hem paýa eýedir.
