«Pari Sen-Žermeniň» 35 ýaşly argentinaly hüjümçisi Lionel Messi watandaşy Diego Maradonanyň hatyrasyna geçiriljek «parahatçylyk oýnuna» gatnaşar. Bu barada L'Equipe habar berýär.
Lionel Messi Katara gitmezinden öň, Argentina bilen öz karýerasyndaky birinji dünýä çempionatynda utmaga synanyşmak üçin, argentina futbolynyň ýene bir ady rowaýata öwrülen oýunçysy, 2020-nji ýylyň 25-nji noýabrynda dünýäsini täzelän Diego Maradonanyň hormatyna oýnalýan oýna gatnaşar. Duşuşyk 14-nji noýabrda, ýagny dünýä çempionatynyň başlanmagyna alty gün galanda (20 noýabr-18 dekabr) Rimde Olimpiýa stadionynda geçer.
Messi bilen bilelikde oýna onuň "Barselonadaky" öňki ýoldaşy Ronaldinýo, Italiýanyň ýygyndysynyň derwezebany Janluiji Buffon we "Romanyň" tälimçisi Žoze Mourinýu dagy gatnaşarlar.
