Ispaniýanyň “Barselona” futbol kluby toparyň öňki hüjümçisi argentinaly Lionel Messiniň heýkelini oturdar. Bu barada klubuň prezidenti Žoan Laporta aýtdy diýip, sport-interfax.ru habar berýär.
“Biz “Kamp Nounyň” çäginden daşary Leo Messiniň heýkelini dikeris. Çözgüt kabul edildi” – diýip, “Goal” Laportanyň sözlerini getirýär.
2021-nji ýylyň tomsunda Messiniň Ispaniýanyň futbol çempionatyndaky klublar üçin hereket edýän maliýe düzgünleri sebäpli “Barselona” kluby bilen täze şertnama baglaşyp bilmändigi üçin klubdan gidýändigi habar berildi. Soňra Messi “PSŽ” bilen şertnama baglaşdy.
35 ýaşly Messi “Barselonada” 2004-nji ýyldan çykyş edip başlady. Katalon klubunyň düzüminde ol otuzdan gowrak ýaryşda, şol sanda Çempionlar ligasynda ýeňiji boldy, ýedi gezek “Altyn topuň” eýesi boldy.
