Özbegistanyň prezidenti Şawkat Mirziýoýew degişli edaralara 2023-nji ýylyň 1-nji ýanwaryndan daşary ýurtly syýahatçylar üçin tax free ulgamyny girizmegi tabşyrdy. Bu barada Mirziýoýewiň metbugat sekretary Şerzod Asadow habar berdi diýip, centralasia.media belleýär.
“Duty free we tax free ulgamlaryny girizmek baradaky karara gol çekilenden bäri üç ýylyň geçendigine garamazdan, gijikdirmelere ýol berilýär. Bu ulgamlar 2023-nji ýylyň 1-nji ýanwaryndan doly güýje girizilmeli” – diýlip, respublikanyň baştutany giriş we içerki syýahatçylygy ösdürmek boýunça wideo maslahatynda eden çykyşynda belledi. Asadow prezidentiň giriş syýahatçylygy ösdürmäge päsgel berýän ähli çäklendirmeleri gözden geçirmegi tabşyrandygyny belledi.
Metbugat sekretarynyň maglumatlaryna görä, şeýle-de degişli edaralara daşary ýurtly syýahatçylaryň wagtlaýyn hasaba alnyşyny onlaýn habarnama tertibine geçirmegi tabşyrdy.
