Ýordi Kroýf ispan «Barselonasynyň» sport direktory boldy diýip, futbol klubunyň resmi saýtynda habar berilýär.
Kroýf bu wezipäni 1-nji iýuldan bäri eýeleýär. Geçen möwsümde ol "Barselonada" halkara bölümiň direktory bolup işläpdi we soňky iki transfer penjiresi wagtynda sport iş toparynyň agzasy hökmünde klubuň işine işeňňir gatnaşýardy.
Ýordi Kroýf - "Barselonanyň" öňki oýunçysy, "Altyn pökginiň" üç gezek eýesi Ýohan Kroýfuň ogly. Uly Kroýf katalonlylaryň baş tälimçisi hökmünde Ispaniýanyň çempionatynda kluba üç gezek: bir gezek - Ispaniýanyň Kubogynda, üç gezek - Ispaniýanyň Superkubogynda ýeňiş gazandyrdy. Onuň baştutanlygynda "Barselona" Ýewropa çempionlarynyň kubogyna, Kubok eýeleriniň kubogyna we Ýewropanyň Superkubogyna eýe boldy. Kiçi Kroýf katalon klubunyň düzüminde ýurduň Superkubogyny gazandy.
