Kewin de Bruýne Çempionlar ligasynda hepdäniň oýunçysy diýlip yglan edildi

  • 16.09.2022 22:15
  • 5.9k+

«Mançester Siti» iňlis futbol klubunyň ýarym goragçysy Kewin de Bruýne UEFA Çempionlar ligasynyň toparlaýyn tapgyrynyň ikinji duşuşygynyň iň oňat oýunçysy boldy diýip, guramanyň saýtynda habar berilýär.

«Borussiýa» (Dortmund) bilen geçirilen duşuşykda de Bruýne netijeli pas bilen tapawutlandy, «Mançester Siti» bolsa 2:0 hasap bilen ýeňiş gazandy.
31 ýaşly belgiýaly futbolçy iňlis klubunyň düzüminde 2015-nji ýyldan, ýagny nemesleriň «Wolfsburgyndan» geçeli bäri çykyş edip gelýär.
"Sitiniň" düzüminde ol dört gezek Angliýanyň çempionatyny, iki gezek Angliýanyň Superkubogyny, bäş gezek Iňlis ligasynyň kubogyny, bir gezegem Angliýanyň kubogyny gazandy.


şu gün 13:20
3k+

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy

“Mançester Ýunaýted” ikinji tapgyrda “Grimsbi Taundan” utulandan soň (2:2, penalti boýunça 11:12) Angliýanyň ligasynyň kubogyndan çykdy. Squawka portalynyň habar bermegine görä, bu taryhda klubuň ýaryşda dördünji diwiziondaky garşydaşdan ilkinji gezek utulmagy boldy...

şu gün 12:35
3k+

Messi “Inter Maýamini” MLS + MX ligalarynyň kubogynyň finalyna çykardy

MLS (ABŞ we Kanada) we MX ligasynyň (Meksika) klublarynyň arasyndaky futbol boýunça demirgazyk amerikan ýaryşynyň – Ligalaryň kubogynyň ýarym final oýunlary geçirildi. Aýgytly oýunda kubok ugrunda göreşmek hukugyny “Inter Maýami” we “Sietl Saunders” gazandy...

şu gün 11:47
3.1k+

Çempionlar ligasynyň esasyna tapgyryna gatnaşyjylaryň ählisi kesgitlendi

28-nji awgusta geçilen gije Çempionlar ligasynyň pleý-off tapgyrynyň soňky oýunlary tamamlandy. Netijede, Ýewropanyň esasy ýaryşynyň umumy tapgyryna gatnaşjak klublaryň ählisi belli boldy. Ýaryş üçin ýollamany iň soňky bolup “Kaýrat” (Gazagystan), “Budýo-Glimt” (Norwegiýa), “Pafos” (Kipr), “Karabah” (Azerbaýjan), “Brýugge” (Belgiýa), “Benfika” (Portugaliýa) we “Kopengagen” (Daniýa) aldy...

düýn 16:39
7.7k+

Çempionlar ligasynyň täze toplary gijeki asmandan, kosmosdan we demirgazyk şapagyndan ylham alyp döredildi

Ýewropa futbol assosiasiýalarynyň birleşigi (UEFA) 2025/26 möwsüminiň erkekler we zenanlar Çempionlar ligasy üçin täze resmi toplaryny hödürledi. Täze modeller ýaryşyň umumy tapgyrynda ulanylar. Erkekler Çempionlar ligasy üçin top gök we altyn nagyşlar bilen bezeldi...