Çempionlar ligasynda «Mançester Siti» «Borussiýadan» üstün çykdy

  • 15.09.2022 08:57
  • 10k+

UEFA Çempionlar ligasynyň toparlaýyn tapgyrynyň duşuşygynda «Mançester Siti» Dortmundyň «Borussiýasyndan» üstün çykdy.

Mançesterde geçirilen oýun 2:1 hasabynda tamamlandy. «Borussiýa» 56-njy minutda Jub Bellingemiň tagallalary bilen hasaby açdy. 80-nji minutda «Sitiniň» goragçysy Jon Stounz hasaby deňledi. Iňlis klubuna ýeňiş goluny 84-nji minutda Erling Holand getirdi. Holand öňki üç möwsümi «Borussiýada» geçiripdi. Ol öňki klubuna geçiren goluny dabaraly belläp oturmady.
G toparynda «ManSiti» 6 utuk bilen öňdeligi eýeleýär. «Borussiýa» 3 utuk bilen ikinji, «Kopengagen» we «Sewilýa» bolsa 1 utuk topladylar. Ikinji tapgyrda olar öz aralarynda 0:0 hasap bilen oýnadylar.
«Ýuwentus» öz meýdançasynda Portugaliýanyň «Benfikasyndan» 1:2 hasabynda ýeňildi. Italýan kluby toparlaýyn tapgyrynyň iki duşuşygynda hem ýeňildi we toparynda «Makkabi» bilen soňky orny paýlaşýar. «Benfika» bolsa «Makkabini» 3:1 hasabynda ýeňen «Pari Sen-Žermen» bilen bilelikde 6 utuk bilen birinji orny paýlaşýar.

Beýleki duşuşyklaryň netijeleri:
A topar: "Reýnjers" (Şotlandiýa) - "Napoli" (Italiýa) - 0:3.
E topar: "Çelsi" (Angliýa) - "Zalsburg" (Awstriýa) - 1:1, «Milan» (Italiýa) - «Dinamo» (Zagreb, Horwatiýa) - 3:1
F topar: "Real" (Ispaniýa) - "RB Leýpsig" (Germaniýa) - 2:0, «Şahtýor» (Ukraina) - «Seltik» (Şotlandiýa) - 1:1


düýn 11:10
5.7k+

«PSŽ» «Bawariýa» bilen duşuşar: Klublaýyn dünýä çempionatynyň ikinji çärýek finalçylary belli boldy

2025-nji ýylyň Klublaýyn dünýä çempionatynyň pleý-off oýunlarynyň 1/8 finalynyň ýene iki duşuşygy tamamlandy. Olaryň netijesinde ýaryşyň dörtden bir finalynyň ikinji garşydaş toparlary belli boldy. “PSŽ” “Inter Maýamini” jogapsyz 4:0 hasabynda utdy...

düýn 08:36
3.8k+

«Monako» Pol Pogba bilen gol çekişdi

Fransiýanyň “Monako” futbol kluby 32 ýaşly ýarymgoragçy Pol Pogba bilen şertnama baglaşandygyny resmi web sahypasynda habar berdi. Şertnama 2027-nji ýylyň 30-njy iýunyna çenli niýetlenendir. Pogba futbol karýerasyna Parižiň “Ruassi-an-Bri” we “Torsi” atly höwesjeňler klublarynda başlady...

29.06.2025 14:18
3.8k+

«Çelsi» we «Palmeýras» ABŞ-da Klublaýyn dünýä çempionatynyň çärýek finalynda duşuşarlar

San-Paulu şäheriniň «Palmeýras» we Londonyň «Çelsi» toparlary Amerikanyň Birleşen Ştatlarynda geçirilýän 2025-nji ýylyň Klublaýyn dünýä çempionatynyň ilkinji çärýek finalçylary boldular. 1/8 final tapgyrynda «Palmeýras» Rio-de-Žaneýro şäheriniň «Botafogo» toparyny ýeňdi...

28.06.2025 11:36
9.9k+

«Barselona» öýüne dolanýar: Täzelenen "Kamp Nouda" geçiriljek ilkinji duşuşygyň senesi belli boldy

  "Barselona" futbol kluby resmi taýdan "Spotify Kamp Nou" stadionyna dolanýandygyny yglan etdi. Abatlaýyş işleri tamamlanandan soňky ilkinji duşuşyk 2025-nji ýylyň 10-njy awgustynda - her ýyl geçirilýän Joan Gamper Kubogynyň çäginde geçiriler...