KHBS: “Barselona” maliýe “feýr-pleýini” bozandygy üçin Çempionlar ligasyndan aýrylyp bilner

  • 24.08.2022 18:41
  • 20k+

Ýewropanyň Futbol assosiasiýalarynyň birleşigi (UEFA) Ispaniýanyň “Barselona” klubuny maliýe “feýr-pleýini” bozandygy üçin Çempionlar ligasyna gatnaşmakdan çetleşdirip biler. Bu barada “The Times” gazeti habar berdi diýip, TASS belleýär.

Çeşmäniň maglumatlaryna görä, UEFA sentýabr aýynda 2020-nji ýyldan 2021-nji ýyl aralygynda maliýe “feýr-pleýiniň” düzgünlerini bozan on klub üçin sanksiýalar barada yglan etmäge taýýarlanýar. “Barselonadan” başga-da, bu sanawa “PSŽ”, “Ýuwentus”, “Inter” we “Roma” girdi.
Şu tomus “Barselona” goragçylar Andreas Kristensen we Žýul Kunde, ýarym goragçylar Rafinýa we Frank Kessýe, hüjümçi Robert Lewandowskiý geçdi. Transfermarkt portalynyň maglumatlaryna görä, bu transferler klub üçin 153 mln ýewro düşdi. Şol bir wagtyň özünde “Barselonanyň” ýolbaşçylygy häzire çenli Kundeni Ispaniýanyň çempionatyna gatnaşmak üçin hasaba alyp bilenok. “As” gazetiniň maglumatlaryna görä, katalon kluby ony hasaba almak üçin töleg sanawnamasynda, takmynan, 20 mln ýewro boşatmaly.
Ispaniýanyň çempionatynyň häzirki möwsüminde “Barselona” dört utuk gazanyp, iki tapgyryň jemi boýunça bäşinji orny eýeleýär. Geçen möwsüm “Barselona” milli çempionatda ikinji bolup, 6-njy sentýabrda başlajak Çempionlar ligasynyň toparlaýyn tapgyrynda çykyş etmäge hukuk gazandy.
Maliýe “feýr-pleýi” 2011-nji ýyldan bäri hereket edýär. Düzgüne laýyklykda, UEFA-nyň howandarlygynda geçirilýän ýaryşlara gatnaşmaga hukuk gazanýan klublaryň beýleki klublaryň, öz oýunçylarynyň, sosial we salgyt gulluklarynyň öňünde häzirki möwsüm üçin möhleti geçen maliýe borçnamalary bolmaly däl.


düýn 23:17
4.5k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...

26.11.2025 12:52
7.8k+

Çempionlar ligasynyň 5-nji tapgyry: “Çelsi” “Barselonany” utdy, “ManSiti” “Baýerden” utuldy

Çarşenbe gününe geçilen gije UEFA-nyň Çempionlar ligasynyň umumy tapgyrynyň bäşinji oýunlary geçirildi. Olardan ikisi garaşylmadyk netije bilen tamamlandy: “Çelsi” “Barselonanyň” derwezesine jogapsyz üç gol geçirdi, “Mançester Siti” bolsa öýünde Lewerkuzeniň “Baýerinden” utuldy...

19.11.2025 10:00
3.7k+

“Barselona” “Kamp Nou” stadionyna gaýdyp geljek wagtyny aýtdy

22-nji noýabrda “Barselona” durkuny täzelemek işlerinden soň “Kamp Nou” stadionynda ilkinji öý oýnuny geçirer. Şol gün topar Ispaniýanyň çempionatynyň 13-nji tapgyrynda Bilbaonyň “Atletigine” garşy oýnar. “Kamp Nou” 2023-nji ýyldan bäri abatlaýyş üçin ýapykdy, topar oýunlaryny wagtlaýyn Luis Kompanis adyndaky Olimpiýa stadionynda (öň Montžuik Olimpiýa stadiony hökmünde belli) geçirdi...