Norwegiýaly grossmeýster Magnus Karlsen dünýäniň küşt täjini almak ugrundaky ýaryşda russiýaly Ýan Nepomnýaşşiý bilen duşuşykdan ýüz öwürdi diýip, Lenta.ru ýazýar.
Şeýlelikde, 31 ýaşly norwegiýaly türgen titulyny goramakdan boýun gaçyrdy. Russiýaly grossmeýster Madridde geçen bäsdeşleriň turnirinde gazanan ýeňşiniň netijesinde küşt täji ugrundaky ýaryşa gatnaşmaga hukuk gazanypdy.
2021-nji ýylyň dekabrynda Karlsen dünýäniň çempiony adyny almak ugrundaky bäsleşikde Nepomnýaşşini utupdy. Norwegiýaly türgen russiýaly küştçini 7,5:3,5 hasap bilen ýeňipdi. Dünýä çempionatynyň aýgytlaýjy oýnunda rus grossmeýsteriniň ýeňlişe sezewar bolmagy 1993-nji ýyldan bäri iň uly utulyş boldy.
32 ýaşly Nepomnýaşşiý - Ýewropanyň 2010-njy ýyldaky çempiony, Russiýanyň iki gezek çempiony. Ol Russiýanyň ýygyndysynyň düzüminde dünýäniň toparlaýyn çempionatynda iki gezek ýeňiş gazandy.
