Apple kompaniýasy iPod çykarmagyny bes edýär

  • 13.05.2022 08:55
  • 7.3k+

Apple amerikan korporasiýasy iPod aýdym-saz pleýerini çykarmagyny bes edýär. Bu barada korporasiýanyň saýtynda habar berilýär. 

“20 ýyldan gowrak wagt ozal peýda bolan iPod aýdym-sazyňy ýola alyp gitmek mümkinçiligi bilen dünýädäki ulanyjylary özüne çekmegi başardy. Häzirki wagtda bu mümkinçilik Apple-iň ähli önümler hataryna birikdirildi. Apple Music programmasynyň üsti bilen ulanyjylar üçin 90 milliondan gowrak aýdym we 30 müň pleýlist elýeterli” – diýlip, beýannamada aýdylýar.

Kompaniýa häzire çenli iPod-yň ýüz millionlarça adama aýdym-sazy elýeterli edendigini we olary diňlemegiň hem-de ýaýratmagyň usullaryny üýtgedip, aýdym-saz pudagyna täsirini ýetirendigini belleýär. 

“iPod-yň ruhy ýaşamagyny dowam eder. Biz onuň funksiýasyny iPhone-dan başlap, Apple Watch sagatlaryna, Mac noutbuklaryna, iPad planşetlerine we Apple TV wideogurluşlaryna çenli ähli gurluşlarymyza girizdik. Apple Music serwisi bolsa “Giňişlik audiosy” funksiýasy bilen ýokary hilli sesi üpjün eder” – diýip, Apple-iň halkara marketing boýunça uly wise-prezidenti Greg Joswiak belledi.

Kompaniýa iPod pleýerini heniz bar wagty Apple saýty arkaly ýa-da resmi dükanlarda satyn alyp boljakdygyny habar berýär. 

Öň, Apple kompaniýasynyň geçen çärýegiň jemi boýunça girdejisiniň geçen ýylky görkeziji bilen deňeşdirilende 9% ýokarlanandygy mälim boldy. Muny kompaniýanyň hasabaty delillendirýär. 26-njy martda tamamlanan üç aýlyk hasabat döwründe kompaniýanyň girdejisi 97,278 mlrd dollara barabar boldy. 


28.11.2025 11:28
1.2k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

28.11.2025 11:03
2.3k+

Apple-iň döredilmegi baradaky hakyky şertnama auksionda satylar, ol $4 mln diýlip bahalandyrylýar

1976-njy ýylda Apple Computer Company kompaniýasynyň döredilmegine getiren hakyky esaslandyryjy şertnama auksiona çykarylar. Resminama 4 mln dollar töweregi mukdara satylar diýlip garaşylýar. Christie's auksion öýi ony 2026-njy ýylyň 23-nji ýanwarynda satuwa çykarar...

27.11.2025 11:04
3.6k+

Internete arzan iPhone 17e-niň häsiýetnamasy ýaýradyldy: kesiksiz, Dynamic Island-ly

2026-njy ýylyň ýazynda 17-nji hataryň iň arzan aýfony bolan iPhone 17e-niň çykmagyna garaşylýar. Pudagyň seljerijisi Jeff Pu eýýäm smartfonyň nähili boljakdygyny anyklady. Onuň sözlerine görä, täzelenme düýpli bolar...

23.11.2025 20:58
4.5k+

iPhone Air-iň baş dizaýneri Apple-den gitdi

Senagat dizaýneri Abidur Çoudhuri Apple kompaniýasyndan gitdi. Ol kompaniýanyň iň soňky modelleriniň biri bolan iPhone Air-iň esasy işläp düzüjisi bolupdy diýip, 9to5mac çeşmelerine salgylanyp habar berýär. Habar beriş serişdeleriniň maglumatlaryna görä, Çoudhuri emeli aň tehnologiýalarynyň üstünde işleýän bir startapa (ýa-da başlangyja) işe girdi...