Mohammed ben Sulaýem Halkara awtomobil federasiýasynyň täze prezidenti saýlandy

  • 18.12.2021 19:58
  • 6.1k+
Mohammed ben Sulaýem Halkara awtomobil federasiýasynyň täze prezidenti saýlandy

Halkara awtomobil federasiýasynyň (FIA) täze prezidenti Mohammed ben Sulaýem boldy. Şu gün FIA-a 2009-njy ýyldan bäri ýolbaşçylyk edýän Žan Todt federasiýanyň ýolbaşçy wezipesinden çekildi. Bu barada www.championat.com habar berýär.

Ses bermäge gatnaşanlaryň 61,62%-i ben Sulaýemi, 36,62%-i onuň bäsdeşi Grem Stokeri goldady. 1,76%-i ses bermekden saklandy.

Ben Sulaýem 14 gezek ralli boýunça Ýakyn Gündogaryň çempionydyr. Ol 1983-nji ýyldan 2002-nji ýyla çenli dowam eden karýerasynyň dowamynda 61 halkara ýaryşynda ýeňiş gazandy. Soňky 13 ýylda Ýakyn Gündogarda sport boýunça wise-prezident wezipesini eýeledi. Bu döwürde ol Bütindünýä awtosport geňeşiniň agzasy hem boldy.

Mundan öň, FIA-nyň prezident wezipesinden aýrylandan soň Todtyň 1993-nji ýyldan 2009-njy ýyla çenli ýolbaşçylyk eden “Ferrari” toparyna dolanyp biljekdigi habar berildi. Bu döwürde ýaryş topary sekiz sany Konstruktorlaryň kubogyny gazandy, toparyň sürüjileri bolsa alty gezek “Patyşalyk ýaryşlarynda” çempion boldular.

Serdar Berdimuhamedow Täze Zelandiýanyň General-gubernatoryny Waýtangi güni bilen gutlady
şu gün 11:56
1.2k+

Serdar Berdimuhamedow Täze Zelandiýanyň General-gubernatoryny Waýtangi güni bilen gutlady

Prezident Serdar Berdimuhamedow Täze Zelandiýanyň milli baýramy — Waýtangi güni mynasybetli General-gubernator hanym Sindi Kiro we ýurduň halkyna tüýs ýürekden gutlaglaryny ýollady. Gutlag hatynda Döwlet Baştutany hanym Sindi Kiro berk jan saglyk, bagtyýarlyk we abadançylyk arzuw etdi...

Bitkoin 63 müň dollardan aşak düşdi: bu onuň ýeten iň ýokary görkezijisinden iki esse arzan
şu gün 09:27
1.4k+

Bitkoin 63 müň dollardan aşak düşdi: bu onuň ýeten iň ýokary görkezijisinden iki esse arzan

Binance biržasynyň maglumatyna görä, bitkoin kriptowalýutasynyň kursy Aşgabat wagty bilen sagat 01:55-de 62 345 dollara çenli pese düşdi. Bu görkeziji 2025-nji ýylyň oktýabr aýyndaky taryhy iň ýokary derejeden iki esse azdyr...

Türkmenistanyň DIM-inde FAO bilen hyzmatdaşlygyň netijeleri we meýilnamalary maslahatlaşyldy
düýn 23:01
1.3k+

Türkmenistanyň DIM-inde FAO bilen hyzmatdaşlygyň netijeleri we meýilnamalary maslahatlaşyldy

2026-njy ýylyň 5-nji fewralynda Türkmenistanyň Daşary işler ministrliginde ýurduň BMG-niň Azyk we oba hojalyk guramasy (FAO) bilen hyzmatdaşlygyna bagyşlanan brifing geçirildi. Çärä Türkmenistanyň DIM-iniň ýolbaşçylary we işgärleri, ýurtda akkreditirlenen diplomatik wekilhanalaryň, halkara guramalaryň ýolbaşçylary we wekilleri, şeýle hem köpçülikleýin habar beriş serişdeleriniň wekilleri gatnaşdy...

Türkmenistan Bişkekdäki B5+1 forumynyň çäklerinde SpaceX bilen hyzmatdaşlygy maslahatlaşdy
düýn 22:58
2.3k+

Türkmenistan Bişkekdäki B5+1 forumynyň çäklerinde SpaceX bilen hyzmatdaşlygy maslahatlaşdy

2026-njy ýylyň 4-5-nji fewralynda Türkmenistanyň maliýe we ykdysadyýet ministri M. Astanagulowyň ýolbaşçylygyndaky wekiliýet Bişkekde geçirilen ikinji B5+1 işewürlik forumyna gatnaşdy. Forum Merkezi Aziýa ýurtlarynyň we ABŞ-nyň döwlet edaralarynyň hem-de işewürlik toparlarynyň wekillerini ýygnady...