Türkmenistanyň Prezidenti Halkara Bitaraplyk güni mynasybetli iş kesilen 338 raýatyň günäsini geçmek geçmek baradaky Permana gol çekdi. Gurbanguly Berdimuhamedow degişli resminama ýurdumyzyň daşary ýurtlardaky diplomatik gulluklarynyň ýolbaşçylarynyň we beýleki döwlet ýolbaşçylarynyň gatnaşmagynda geçirilen Ministrler Kabinetiniň giňişleýin mejlisiniň barşynda gol çekdi. Bu barada «Watan» habarlar gepleşiginde habar berildi.
Bellenilişi ýaly, türkmen Lideri mejlisde eden çykyşynda uly baýramlaryň öňýanynda toba gelen raýatlaryň günäsiniň geçilýändigini belledi. Gurbanguly Berdimuhamedow günäsi geçilen adamlaryň ählisini tussaglykdan boşadyp, olaryň ýakyn wagtda öz öýlerine, maşgala agzalarynyň arasyna barar ýaly, ähli zerur işleri geçirmegi tabşyrdy.
Türkmen Lideri welaýat, etrap we beýleki ýolbaşçylara günäsi geçilen adamlary iş bilen üpjün etmek babatda zerur çäreleri görmegi tabşyryp, günäsi geçilen adamlaryň ýurdumyzda amala aşyrylýan giň gerimli işlere öz goşantlaryny goşmaklaryny arzuw etdi.
