Niderlandly tälimçi Ronald Kuman «Barselona» futbol klubunyň baş tälimçisi wezipesinden boşadyldy. Bu barada klubuň resmi saýtynda habar berilýär.
Bu karar katalon klubunyň çarşenbe güni Ispaniýanyň çempionatynda «Raýo Walýekanodan» ýeňilenden soň (0:1) kabul edildi. Penşenbe güni Kuman futbolçylar we klubuň işgärleri bilen hoşlaşar.
Ýatlatsak, Kuman «Barselona» 2020-nji ýylyň 19-njy awgustynda tälimçi bellenildi. La Liganyň şu möwsüminde katalonlylar on oýundan soň jedwelde 15 utuk bilen 9-njy orny eýeleýär. Çempionlar ligasynyň toparlaýyn tapgyrynyň üç duşuşygyndan soň «Barselona» üçünji orny eýeleýär. Klub «Benfikadan» (0:3) we «Bawariýadan» (0:3) utuldy, «Dinamo Kiýewi» (1:0) utdy.
