«Barselona» bassyr dördünji gezek El-Klasikoda «Realdan» ýeňildi

  • 25.10.2021 08:38
  • 10k+

Futbol boýunça Ispaniýanyň çempionatynyň 10-njy tapgyr duşuşygynda Madridiň «Realy» «Barselonany» 2:1 hasabynda ýeňmegi başardy. Duşuşyk Barselonadaky «Kamp Nou» stadionynda geçirildi.

«Realyň» düzüminde Dawid Alaba (32-nji minut) we Lukas Waskes (90+4) tapawutlandy. «Barselonadan» Serhio Aguero (90+7) gol geçirdi. Horwatiýaly ýarymgoragçy Luka Modriç madrid klubunyň düzüminde 400-nji duşuşygyny geçirdi. Alaba we Aguero bolsa klublary üçin ilkinji gollaryny geçirdi.

«Real» bassyr dördünji gezek «Barselonadan» üstün çykýar. Soňky gezek «Barselona» «Realy» 2019-njy ýylyň 3-nji martynda ýeňmegi başarypdy (1:0). Ýekşenbe güni geçirilen El-klasiko bu klublaryň taryhynda 247-nji duşuşyk boldy. Şolaryň 99-synda «Real», 96-synda «Barselona» ýeňiş gazandy. Galan duşuşyklar deňme-deňlikde tamamlandy.

Gazanan üstünligi netijesinde «Real» çempionatyň jedwelinde 9 oýunda 20 utuk toplap, birinji orna geçdi. «Barselona» 10 oýunda 15 utuk bilen sekizinji ýerde ýerleşdi. Indiki duşuşykda «Real» 27-nji oktýabrda öz meýdançasynda «Osasunany» kabul eder, «Barselona» bolsa myhmançylykda «Raýo Walýekano» bilen duşuşar.


düýn 12:10
5.9k+

«Arkadag» FK bassyr üçünji ýyl wagtyndan öň Türkmenistanyň çempiony boldy

«Arkadag» futbol kluby bassyr üçünji ýyl wagtyndan öň Türkmenistanyň futbol çempionatynyň ýeňijisi boldy. Çempionatyň nobatdaky tapgyrynda Aşgabatda geçirilen duşuşykda “Arkadag” “Ahal” toparyndan 1:0 hasabynda üstün çykdy...

düýn 09:55
10k+

"Real" soňky bir ýarym ýylda ilkinji gezek "Barselonadan" üstün çykdy

Madridiň «Realy» Ispaniýanyň çempionatynyň 10-njy tapgyrynda öz meýdançasynda «Barselonany» 2:1 hasabynda ýeňdi. Bu duşuşyk futbol taryhynda 262-nji «El-klasiko» boldy. Duşuşygyň eýýäm 2-nji minutynda katalonlylaryň derwezesine penalti bellenildi, emma soňra bu karar ýatyryldy...

26.10.2025 18:26
8.2k+

Lionel Messi “Altyn butsy” aldy we MLS-de gol boýunça rekord goýdy

“Inter Maýaminiň” hüjümçisi Lionel Messi MLS-iň yzygiderli möwsüminiň iň gowy bombardiri hökmünde “Altyn butsy” aldy. 38 ýaşly argentinaly oýunça baýrak pleý-offuň 1/8 finalynyň “Neşwill” bilen oýnundan öň gowşuryldy...

26.10.2025 18:23
5k+

“Barselona” Uber bilen hemaýatkärlik şertnamasyny baglaşdy

“Barselona” futbol kluby taksi gözlemek we sargyt etmek boýunça Uber hyzmaty bilen hyzmatdaşlygyň başlandygyny habar berdi. Şertnama 2027-nji ýyla çenli hereket eder we Mundo Deportivo neşiriniň maglumatlaryna görä, kluba ýylda, takmynan, 1 mln ýewro getirer...