Ýewro-2020: Ispaniýa Slowakiýany, Şwesiýa Polşany ýeňdi

  • 24.06.2021 14:27
  • 3.6k+

Ýewropa çempionatynyň toparlaýyn tapgyrynyň jemleýji oýnunda Şwesiýanyň milli ýygyndysy Polşadan üstün çykdy. Duşuşyk 3:2 hasabynda tamamlandy.
Şwesiýalylardan Emil Forsberg 2-nji, 59-njy minutlarda gol geçirip, dubl etdi. Robert Lewandowskiý hasaby deňledi. Oýunda ýeňiş pökgüsini 90-njy minutda şwesiýaly Wiktor Klasson geçirdi.

E toparyň beýleki duşuşygynda Ispaniýanyň milli ýygyndysy Slowakiýany 5:0 hasabynda ýeňdi.
Ispanlardan Emerik Lýaport, Pablo Sarabiýa we Ferran Torres gol geçirdi. Duşuşykda slowakiýalylardan derwezeban Martin Dubrowka we ýarymgoragçy Ýuraý Kuska öz derwezesine gol geçirdi.
Alwaro Morata 12-nji minutda 11 metrlik jerime urgusyndan gol geçirip bilmedi.
Şeýlelikde, üç tapgyryň netijeleri boýunça E topardan pleý-off tapgyryna 7 utuk bilen Şwesiýa, 5 utuk bilen Ispaniýa çykdy. Slowakiýa (3 utuk) we Polşa (1 utuk) Ýewro - 2020-de çykyşyny tamamlady.

Galyberse-de, ispanlaryň uly hasap bilen ýeňmegi Ukrainanyň milli ýygyndysyna goşmaça görkezijiler boýunça 1/8 finala çykmaga mümkinçilik berdi.


şu gün 12:00
2.4k+

Çempionlar ligasy: «Galatasaraý» «Liwerpuly» utdy, «Kaýrat» bolsa «Reala» garşy durup başarmady

30-njy sentýabrda we 1-nji oktýabra geçilýän gije UEFA Çempionlar ligasynyň toparlaýyn tapgyrynyň ikinji aýlawynyň ilkinji duşuşyklary geçirildi. Stambulda «Galatasaraý» «Liwerpuldan» üstün çykdy, Kilian Mbappe het-trik bilen «Reala» ýeňiş getirdi...

şu gün 11:37
1.9k+

AFK-2 Çempionlar ligasynda «Ahal» «Al-Husseýnden» utulyp, С toparda utuksyz galdy

30-njy sentýabrda Arkadag şäheriniň stadionynda Türkmenistanyň «Ahal» futbol kluby AFK-2 Çempionlar ligasynyň toparçalaýyn bäsleşiginiň ikinji tapgyrynda Iordaniýanyň çempiony «Al-Husseýn» bilen duşuşdy. Oýun myhmanlaryň peýdasyna 1:4 hasabynda tamamlandy...

düýn 22:53
5.5k+

“Milanyň” we “Interiň” öý stadiony ýykylar

Milanyň şäher geňeşi “San-Siro” stadionynyň ýerli “Inter” we “Milan” futbol klublaryna satylmagyny tassyklady. Bu barada La Gazzetta dello Sport habar berýär. Çözgüt 30-njy sentýabra geçilen gijede bolan mejlisde kabul edildi, şertnamanyň bahasy 197 mln ýewro boldy...

düýn 18:04
2.6k+

FIFA penalti urgusynyň düzgünlerine üýtgetmeler girizmegi gözden geçirýär

FIFA 11 metrlik jerime urgusynyň düzgünlerine üýtgetmeleri girizmegi meýilleşdirýär, bu tassyklanan halatynda indiki möwsümde güýje girer diýip, Bild neşiri habar berýär. Teklip edilen üýtgeşmelere görä, eger derwezeban jerime urgusyny “nokatdan” yzyna serpikdirse, topuň nirä gaýtjakdygyna garamazdan, topy derwezäniň agzyndan urmak bellener...