10 müňe golaý meýletinçi «Tokio-2020» Olimpiýadasynda işlemekden ýüz öwürdi

  • 04.06.2021 18:03
  • 5.4k+

«Tokio-2020» oýunlarynyň guramaçylary Olimpiada we Paralimpiada gatnaşmagy meýilleşdirilen 80 müň meýletinçiniň soňky aýlardan bäri 10 müňe golaýynyň işden gidýändiklerini habar berendiklerini aýtdy. Oýunlaryň başlanmagyna bolsa bary-ýogy 50 gün galdy. Bu barada euronews.com maglumat berýär.

«Tokio-2020-niň» Ýerine ýetiriji direktory Toşiro Muto golaýda ýerli habar beriş serişdelerine meýletinçileriň 10 müňüsiniň, esasan, saglyk ýagdaýy sebäpli işden çykandyklaryny habar berdi. «Meniň pikirimçe, esasy sebäpleriň biriniň koronawirus ýokanjy üçin aladalanmakdygyna şübhe ýok» — diýip, ol aýtdy.
Sebäpleriň ýene biri oýunlaryň geçiriljek senesiniň üýtgäp, yza süýşürilmegi ýa-da «Tokio-2020-niň» prezidenti Ýosiro Morä garşy jynsy gapma-garşylyklaryň döräp, onuň şu ýylyň fewral aýynda mejbury ýagdaýda wezipesinden el çekmegine garşylyk görkezmek bilen bagly bolup biler. Onuň ýerine bu wezipä Seýko Haşimoto bellenildi.
Milli pikir soraşmalaryň netijelerine görä, oýunlaryň şu ýylda geçirilmegine garşy çykyp 80 göterim ses beren ýaponlaryň arasynda-da meýletinçileriň käbiriniň bolmaklygy mümkin. Tokioda geçirilen pikir soraşmalarda bolsa tarapdarlaryň we garşylyklaýyn ses berýänleriň sany deňe-deň (50-50) netije görkezdi. Şeýle hem Muto ýolbelet, ýardamçy ýa-da terjimeçi bolup işlejek meýletinçileriň az böleginiň öz islegi bilen işden gitmeginiň bu oýunlara o diýen uly zyýan ýetirmejekdigini aýtdy.

şu gün 13:06
570

New Balance Kori Gauffyň şanyna krossowka çykardy

New Balance kompaniýasy amerikaly tennisçi Kori Gauffdan we onuň önüp-ösen Delreý-Biç şäherinden ylham alyp döredilen krossowkany çykardy. Bu barada The Hollywood Reporter habar berýär. Krossowka 30-njy iýunda başlaýan Uimbldon ýaryşynyň öňüsyrasynda hödürlendi...

düýn 11:43
3.9k+

Alkaras “Rolan Garrosyň” 5,5 sagat dowam eden finalynda Sinnerden üstün çykdy

Dünýäniň ikinji raketkasy, ispaniýaly Karlos Alkaras Fransiýanyň tennis boýunça Açyk çempionatynda (“Rolan Garros”) ATP reýtinginiň lideri, italiýaly Ýannik Sinneri utdy. Oýun Parižiň toprak kortunda geçip, 4:6, 6:7 (4:7), 6:4, 7:6 (7:3), 7:6 (10:2) hasabynda tamamlandy...

düýn 11:13
9.5k+

Portugaliýa penalti tapgyrynda Ispaniýany utup, Milletler ligasynyň ýeňijisi boldy

Portugaliýanyň milli ýygyndysy UEFA-nyň Milletler ligasynyň finalynda Ispaniýanyň toparyny utup, ýaryşda iki gezek ýeňiji bolan ilkinji topar boldy. Mýunhende geçirilen final oýnunyň esasy wagty 2:2 hasabynda tamamlandy...

08.06.2025 23:21
7.9k+

Fransiýa Germaniýany utup, UEFA Milletler ligasynyň bürünç medallaryny aldy

UEFA-nyň Milletler ligasynyň üçünji orny ugrunda geçirilen duşuşykda Fransiýanyň milli ýygyndysy Germaniýany ýeňlişe sezewar etdi. Oýun 8-nji iýunda Ştutgartda geçirildi we Didýe Deşamyň şägirtleriniň peýdasyna 2:0 hasap bilen tamamlandy...