Ispaniýanyň “Barselona” futbol kluby argentinaly hüjümçi Serhio Aguero bilen şertnama baglaşdy. Bu barada “Barselonanyň” metbugat gullugy habar berýär. Muny TASS ýetirýär.
32 ýaşly argentinaly oýunçy bilen şertnama 2022/23-möwsüminiň ahyryna çenli niýetlenen. Oýunçy 1-nji iýulda katalon toparyna goşular. Şertnamadan ýüz öwürmek üçin töleg 100 mln ýewro barabar.
Aguero “Barselona” erkin agent hökmünde geçdi. Maý aýynda futbolçy möwsümiň ahyrynda 2011-nji ýyldan bäri çykyş edýän iňlis “Mançester Siti” klubundan gitmekçidigini mälim etdi.
“Mançester Sitiniň” düzüminde Aguero Angliýanyň dört gezek çempiony, Angliýanyň kubogynyň ýeňijisi, üç gezek ýurduň Super kubogynyň eýesi boldy we bäş gezek Angliýanyň ligasynyň kubogyny utdy. Argentinanyň ýygyndy topary bilen bilelikde ol Olimpiýa oýunlarynyň altyn medalyna, dünýä çempionatynyň kümüş baýragyna eýe boldy we Amerikanyň kubogynyň iki gezek kümüş baýrakçysy boldy.
