2020/2021-möwsüminiň Çempionlar ligasy tamamlandy. Turnirde Londonyň «Çelsi» kluby ýeňiş gazandy. Turniriň iň gowy bombardiri Dortmundyň «Borussiýasynyň» hüjümçisi Erling Holand boldy. Bu barada soccer.ru habar berýär.
Norwegiýaly oýunçy 8 oýunda 10 gol geçirdi. Bombardirleriň sanawynda ikinji orny “PSŽ-niň” hüjümçisi Kilian Mbappe (10 oýunda 8 gol) eýeledi. 7 oýunçy 6 goldan geçirdi – Neýmar (PSŽ), Karim Benzema (“Real”), Oliwýe Žiru (“Çelsi”), Alwaro Morata (“Ýuwentus”), Markus Reşford (“Mançester Ýunaýted”), Ýussef En-Neseri (“Sewilýa”), Mohamed Salah (“Liwerpul”).
“Ýuwentusyň” ýarymgoragçysy Huan Kuadrado 6 netijeli geçirimi bilen iň gowy assistent boldy.
