Russiýaly türgen 50 metr aralyga arkanlygyna ýüzmekde dünýä rekordyny täzeledi

  • 19.05.2021 13:00
  • 8.4k+
Russiýaly türgen 50 metr aralyga arkanlygyna ýüzmekde dünýä rekordyny täzeledi

Russiýaly suwda ýüzüji Kliment Kolesnikow 50 metr aralyga arkanlygyna ýüzmek boýunça täze dünýä rekordyny goýdy diýip, championat.com habar berýär.

Budapeştde geçirilen sportuň suw görnüşleri boýunça Ýewropa çempionatynyň ýarym finalynda Kolesnikow dünýäde ilkinji bolup 50 metr aralygy arkanlygyna 24 sekuntdan çalt ýüzüp geçdi. Onuň görkezen netijesi 23,93 sekunt boldy. Şol bir wagtyň özünde bu Ýewropa rekordy we Ýewropa çempionatynda rekorddyr. Ozalky üstünlik hem Kolesnikowa degişlidi, 2018-nji ýylda Glazgoda ol bu aralygy dogry 24 sekuntda ýüzüp geçdi. Şol wagt Kolesnikow 18 ýaşyndady, şonuň üçin 50 metr aralyga arkanlygyna ýüzmek boýunça ähli ýunior rekordlar hem oňa degişlidir.
Ýene bir russiýaly suwda ýüzüji Grigoriý Tarasewiç hem Ýewropa çempionatynyň finalyna çykdy. Ol 24,68 sekunt wagt bilen birinji ýarym finalda ikinji orny eýeledi. Kolesnikow ikinji ýüzüşde ýeňdi.

Messi Ýamala garşy oýnamaz: Ispaniýa bilen Argentinanyň arasyndaky «Finalissima» duşuşygy ýatyrylýar
düýn 20:14
5k+

Messi Ýamala garşy oýnamaz: Ispaniýa bilen Argentinanyň arasyndaky «Finalissima» duşuşygy ýatyrylýar

Ýewropanyň häzirki çempiony Ispaniýa bilen Günorta Amerika kubogynyň ýeňijisi Argentinanyň arasyndaky «Finalissima» tituly ugrundaky futbol duşuşygy ýatyryldy. Bu barada El Chiringuito neşiri habar berýär. Aslynda, duşuşygy 27-nji martda Kataryň «Lusaýyl» stadionynda geçirmek meýilleşdirilipdi...

Mercedes ýene-de öňde: Antonelli — «Formula-1-iň» taryhynda iň ýaş ikinji ýeňiji
düýn 19:17
1.1k+

Mercedes ýene-de öňde: Antonelli — «Formula-1-iň» taryhynda iň ýaş ikinji ýeňiji

«Mercedes» toparynyň italýan sürüjisi Andrea Kimi Antonelli «Formula-1» çempionatynyň täze möwsüminiň ikinji tapgyry bolan Hytaý Gran-prisiniň ýeňijisi boldy. 19 ýaşly Antonelli ýaryşlar tapgyrynyň taryhynda iň ýaş ýeňijileriň hataryna girdi...

Norwegiýaly futbolçy iň gowy oýunçy hökmünde 100 sany hyýara mynasyp boldy
düýn 15:57
5.4k+

Norwegiýaly futbolçy iň gowy oýunçy hökmünde 100 sany hyýara mynasyp boldy

Norwegiýanyň «Brýune» klubynyň futbolçysy Kristian Holand «Rusenborg» topary bilen 4:2 hasabynda ýeňiş bilen tamamlanan duşuşykda iň gowy oýunçy diýlip saýlandy we garaşylmadyk baýraga mynasyp boldy. Topar oňa iki guty hyýar sowgat berdi...

Şwesiýaly Arman Dýuplantis syrykly bökmekde eýýäm 15-nji dünýä rekordyny goýdy
13.03.2026 16:42
3.7k+

Şwesiýaly Arman Dýuplantis syrykly bökmekde eýýäm 15-nji dünýä rekordyny goýdy

Şwesiýadan iki gezek Olimpiýa çempiony Arman Dýuplantis syrykly bökmek boýunça karýerasynda 15-nji gezek dünýä rekordyny täzeledi. Bu gezek ol Şwesiýanyň Uppsala şäherinde geçirilýän "Mondo Classic – 2026" möwsümara ýaryşynda 6,31 metr belentlikden aşyp bildi...