Ýewropa ligasynyň 1/2 final tapgyrynyň birinji duşuşyklary geçirildi

  • 30.04.2021 09:02
  • 8.2k+

Ýewropa ligasynyň 1/2 final tapgyrynyň birinji duşuşygynda «Mançester Ýunaýted» «Romany» 6:2 hasabynda ýeňmegi başardy.
Duşuşygyň birinji ýarymyndan soň, iňlis kluby 1:2 hasabynda utulyp gelýärdi. Iňlis klubunyň düzüminde urugwaýly hüjümçi Edinson Kawani hem-de portugaliýaly ýarymgoragçy Brunu Fernandeş dubl etmegi başardy.

Ugurdaş duşuşykda Londonyň «Arsenaly» myhmançylykda «Willarealdan» ýeňildi (1:2).
Ispan kluby duşuşygyň eýýäm birinji ýarymynda iki gol geçirdi. Gollary öz adyna Manuel Trigeros we Raul Albiol ýazdyrdy. Londonlylardan Nikolýa Pepe penaltiden gol geçirip, hasaby 1:2 etdi.
57-nji minutdan başlap, Dani Sebalýosyň gyzyl duýduryşyndan soň, «Arsenal» duşuşygy on bolup dowam etdi. 80-nji minutda bolsa «Willarealdan» Etýen Kapu oýundan çykaryldy.
Bu klublaryň arasyndaky jogap duşuşyklary 7-nji maýa geçilýän gije geçiriler.

düýn 22:36
2.5k+

Transfermarkt La Liga klublarynyň düzüm bahalaryny täzeledi: “Real” – birinji, “Barselona” – ikinji

Transfermarkt portaly ispan La Ligasynyň klublarynyň düzümleriniň bahalary boýunça maglumatlary täzeledi. Reýtingde birinji orny oýunçylarynyň umumy bahasy 1,33 mlrd ýewro bolan Madridiň “Realy” eýeledi. “Barselona” 1,07 mlrd ýewro bilen ikinji orunda ýerleşdi...

düýn 22:30
1.5k+

Kanadaly suwda ýüzüji Sammer Makintoş üç günde ikinji dünýä rekordyny goýdy

18 ýaşly kanadaly suwda ýüzüji Sammer Makintoş 200 metr aralyga toplumlaýyn ýüzmekde täze dünýä rekordyny goýdy. Bu barada Kanadanyň Suwda ýüzmek federasiýasynyň saýtynda habar berilýär. Ol milli saýlama ýaryşlarynda 2 minut 5,7 sekunt netijäni görkezdi...

düýn 16:17
5.1k+

“Mançester Siti” Reýndersi, Şerkini we Ait-Nurini alandygyny habar berdi

“Mançester Siti” dört sany täze oýunçy – goragçy Raýan Ait-Nuri, ýarymgoragçylar Tijani Reýnders we Raýan Şerki hem-de derwezeban Markus Bettinelli bilen şertnama baglaşandygyny habar berdi. Niderlandlaryň milli ýygyndysynyň 26 ýaşly oýunçysy Reýnders topara soňky iki möwsümde oýnan “Milan” klubundan geçdi...

düýn 15:58
3.6k+

“Mançester Siti” iki reňkli zolak bilen täze eşik toplumyny hödürledi

Angliýanyň “Mançester Siti” futbol kluby 2025/2026 möwsümi üçin myhmançylykda geýjek täze eşik toplumyny hödürledi. Germaniýanyň Puma sport brendi eşigiň dizaýnyny Nýu-Ýorkdan dizaýner we hudožnik Kolm Dilleýniň KidSuper studiýasy bilen hyzmatdaşlykda taýýarlady...