Habib Nurmagomedow «Spartak» futbol klubunyň düzüminde çykyş etmek isleýär. Bu barada türgen “KraSawa” programmasynda alyp baryjynyň sowalyna beren jogabynda aýtdy, diýip sm.news habar berýär. Bilşiňiz ýaly, ýanwar aýynda Habib gürrüňinde futbol karýerasyna professional derejede başlamak isleýändigini aýdypdy.
“Ahmal, Moskwanyň “Spartak” klubuny saýlardym. Bu halk topary ahyry. Meniň pikirimçe, kakam hem “Spartakda” oýnamagymy islärdi. Munuň üçin azyndan ýarym ýyl futbol türgenleşigi gerek bolar. Alty-ýedi kilogram agram hem aýyrmaly. Synanyşmak isleýärdim” – diýip, Habib aýtdy.
32 ýaşly söweşiji 2020-nji ýylyň 24-nji oktýabrynda UFC 254 turnirinde amerikaly Jastin Getjiden üstün çykandan soň, karýerasyny tamamlaýandygyny aýtdy. Onuň kakasy Abdulmanap geçen ýylyň iýul aýynda aradan çykdy. Ol “Spartak” toparynyň janköýeridi.
