Çempionlar ligasynyň 1/8 finalynyň birinji oýnunda “Barselona” “Kamp Nou” stadionynda “Pari Sen-Žermenden” 4-1 hasabynda ýeňildi. Oýna tomaşa etmäge garyşyk başa-baş göreşiň russiýaly söweşijisi Habib Nurmagomedow gatnaşdy. Oýundan soň ol Mbappeniň sowgat beren köýnekçesiniň suraty bilen paýlaşdy. Onda fransuz hüjümçisiniň goly bar, diýip, championat.com belleýär.
“Het-trik bilen gutlaýan. “Barselona” üçindigi iki esse ýakymly” – diýip, Madridiň “Realynyň” muşdagy bolan Habib ýazdy.
Şeýle-de, oýundan soň UFC-niň çempiony parižlileriň golkiperi Keýlor Nawas bilen surata düşdi.
Jogap oýny 10-njy martda Parižde (Fransiýa) geçer.
Titulyň häzirki ýeňijisi geçen ýyl ýaryşyň finalynda “PSŽ-ni” 1-0 hasabynda ýeňen Mýunheniň “Bawariýasydyr”.
