“Real” Zidanyň ornuny tutjak hünärmeni saýlady

  • 10.01.2021 07:09
  • 14k+
“Real” Zidanyň ornuny tutjak hünärmeni saýlady

Madridiň “Realynyň” ýolbaşçylary baş tälimçi wezipesinde fransuz hünärmeni Zinedin Zidanyň ornuny tutjak hünärmeni kesgitlediler. Bu barada “As” neşirine salgylanmak bilen gazeta.ru habar berýär.

Çeşmäniň maglumatlaryna görä, “Realyň” ýolbaşçylygy Rauly klubyň indiki halypasy hökmünde görmek isleýär. Aslynda wezipä baş dalaşgär Maurisio Poçettinody, ýöne ol ýanwaryň başynda “PSŽ-niň” tälimçisi boldy.
43 ýaşly hünärmen “Realyň” düzüminde 2018-nji ýyldan bäri işleýär we ol geçen möwsümde ýaşlar toparynyň oýunçylary bilen UEFA-nyň Ýaşlar ligasynda ýeňiş gazanyp, özüni gowy tarapdan görkezmegi başardy. Raul “Realyň” ýetişdiren oýunçysydyr. Ol oýunçy hökmünde topar bilen bilelikde iki gezek Çempionlar ligasyny we alty gezek Ispaniýanyň çempionatyny utdy. Hüjümçi klubyň taryhynda ikinji bombardir (324 gol).

Dünýäniň iň uly 20 kluby bir möwsümde €12 mlrd gazandy, onuňam €1,2 milliardy — «Realda»
şu gün 17:46
1.4k+

Dünýäniň iň uly 20 kluby bir möwsümde €12 mlrd gazandy, onuňam €1,2 milliardy — «Realda»

Deloitte kompaniýasy möwsümdäki girdejileri boýunça futbol klublaryna baha berýän Money League ýyllyk reýtingini hödürledi. 2024/25 möwsüminiň lideri tas 1,2 mlrd ýewro girdeji bilen Madridiň «Realy» boldy. Dünýäniň öňdebaryjy 20 klubunyň umumy girdejisi ilkinji gezek 12 mlrd ýewrodan geçdi...

UFC 325: Wolkanowski ýene-de Diýego Lopesden üstün çykdy, Sen-Deni Hukeri ýeňdi
şu gün 16:33
1.5k+

UFC 325: Wolkanowski ýene-de Diýego Lopesden üstün çykdy, Sen-Deni Hukeri ýeňdi

​1-nji fewralda Awstraliýanyň Sidneý şäherinde Garyşyk söweş sungaty boýunça UFC 325 ýaryşy geçirildi. Esasy tutluşykda ýarym ýeňil agramda UFC-niň çempiony Aleksandr Wolkanowski reýtingde ikinji orunda durýan Diýego Lopesa garşy öz titulyny gorady...

Hytaýyň lideri Si Szinpin futbol janköýeri bolup çykdy
şu gün 11:41
4.3k+

Hytaýyň lideri Si Szinpin futbol janköýeri bolup çykdy

Hytaý Halk Respublikasynyň Başlygy Si Szinpin «Mançester Ýunaýted» futbol klubunyň hakyky janköýeri bolup çykdy. Bu barada Beýik Britaniýanyň premýer-ministri Kir Starmeriň Pekine bolan resmi saparynyň dowamynda mälim boldy diýip, South China Morning Post neşiri habar berýär...

Gazagystanly tennisçi Ýelena Rybakina belarusly Sobolenkony utup, Australian Open-iň ýeňijisi boldy
şu gün 09:09
1.9k+

Gazagystanly tennisçi Ýelena Rybakina belarusly Sobolenkony utup, Australian Open-iň ýeňijisi boldy

Gazagystanyň wekili, dünýäniň bäşinji raketkasy Ýelena Rybakina möwsümiň ilkinji «Uly tuwulga» ýaryşy bolan Australian Open-iň ýeňijisi boldy. Final duşuşygynda 26 ýaşly Rybakina dünýäniň birinji raketkasy, 27 ýaşly belarusly Arina Sobolenkony 6:4, 4:6, 6:4 hasabynda utdy...