Aşgabadyň «Altyn Asyr» futbol topary ýedinji gezek Türkmenistanyň çempiony boldy.
Topar myhmançylykda paýtagtymyzň «Köpetdag» toparyndan üstün çykyp, ýaryşyň gutarmagyna üç tapgyr galanda öňdeligi üpjün etdi. Duşuşykda «aragatnaşykçylar» 3:0 hasabynda ýeňiş gazandy. Ýazguly Hojageldiýewiň şägirtleri sanawdaky ikinji topar bolan «Ahaldan» 15 utuk öňde barýar.
«Altyn Asyr» klubunyň futbolçylary 2014-nji ýyldan bäri altyn medallary sypdyrman gelýärler. Çempionlyklaryň sany boýunça topar «Köpetdagdan» öňe geçip, ýurtda iň meşhur klub boldy.
Geljek ýyl «Altyn Asyr» AFK-nyň Çempionlar ligasyna gatnaşar.
«Altyn Asyr» Türkmenistanyň futbol çempionatynda möhletinden öň ýeňiji boldy
- 15.11.2020 20:41
- 8.5k+
