2020-nji ýylda geçirilmegi meýilleşdirilip, soňra 2021-nji ýyla yza süýşürilen futbol boýunça Ýewropa çempionatynyň esasy gatnaşyjylary kesgitlenildi. Ýaryşyň final oýunlaryna 24 topar gatnaşar diýip, championat.com habar berýär.
Ýewro-2020-niň toparçalarynyň soňky ýagdaýy şeýle:
A toparça: Türkiýe, Italiýa, Uels, Şweýsariýa;
B toparça: Daniýa, Finlýandiýa, Belgiýa, Russiýa;
C toparça: Gollandiýa, Ukraina, Awstriýa, Demirgazyk Makedoniýa;
D toparça: Angliýa, Horwatiýa, Şotlandiýa, Çehiýa;
E toparça: Ispaniýa, Şwesiýa, Polşa, Slowakiýa;
F toparça: Wengriýa, Portugaliýa, Fransiýa, Germaniýa.
Ýewropa çempionaty aslynda 2020-nji ýylyň 12-nji iýunyndan 12-nji iýuly aralygynda geçirilmelidi, ýöne UEFA koronawirus pandemiýasy sebäpli ýaryşy indiki tomsa çenli yza süýşürdi. Bäsleşikler 2021-nji ýylyň 11-nji iýunyndan 11-nji iýuly aralygynda 12 şäherde geçiriler.
