Mälim bolşy ýaly, 2020-nji ýylda geçirilmeli Olimpiýa oýunlary koronawirus pandemiýasy sebäpli bir ýyla yza süýşürilmeli boldy. Şunuň bilen baglylykda, mart aýynda guramaçylar oýunlaryň başlamagynyň öňüsyrasynda olimpiýa meýdançalaryny barlarlar. Bu barada Sputnik gullugy habar berýär.
"Synag ýaryşlaryna mart aýynda Tokioda badalga bermek meýilleşdirilýär" diýip, "Associated Press" Olimpiýa oýunlary-2020-niň guramaçylarynyň sözlerini getirýär.
"COVID-19 pandemiýasy bilen baglylykda, oýunlar bir ýyl yza süýşürilmeli boldy, indi uly göwrümli sport çäresiniň çäginde koronawirusa garşy göreş barada işjeň pikir alyşylýar" diýip, Olimpiýa guramaçylyk komitetiniň metbugat sekretary Hidemasa Nakamura aýdýar.
"Biz geljek ýylyň başyndan başlap işe girişeris we mart aýynda synag çärelerini geçireris" diýip, Nakamura nygtaýar.
Olimpiýa oýunlary 2021-nji ýylyň 23-nji iýulyndan 8-nji awgustyna çenli aralykda geçiriler. Onuň bilen ugurdaş geçiriljek Paralimpiýa oýunlary 24-nji awgustda başlar we 5-nji sentýabra çenli dowam eder.
