“France Football” neşiri futbol taryhynyň iň gowy daýanç ýarymgoragçylarynyň we hüjümçi ýarymgoragçylarynyň simwoliki toparyna girmek üçin dalaşgärleri mälim etdi.
Gyzykly ýeri, neşir futbol taryhynda iň oňat golçularyň käbirini - üç gezek dünýä çempiony bolan braziliýaly Peläni hem-de FIFA-nyň “Ýylyň iň owadan goly üçin” baýragyna ady dakylan wengriýaly Ferens Puşkaşy hüjümçi ýarymgoragçy hökmünde kesgitledi.
Daýanç ýarymgoragçylaryna dalaşgarler: Ýožef Bojik, Serhio Buskets, Didi, Paulo Roberto Falkao, Stiwen Jerrard, Jerson, Hosep Guardiola, Ýozef Masopust, Lotar Matteus, Ýohan Neskens, Andrea Pirlo, Fernando Redondo, Frank Raýkard, Brend Şuster, Klarens Zidorf, Luis Suarez, Marko Tardelli, Žan Tigana, Hawi Alonso, Hawi Ernandes.
Hüjümçi ýarymgoragçylara dalaşgärler: Roberto Bajjo, Bobbi Çarlton, Alfredo Di Stefano, Enzo Françeskoli, Rud Gullit, Jorj Haji, Andres Iniesta, Raýmon Kopa, Laslo Kubala, Diego Maradona, Sandro Mazzola, Pele, Mişel Platini, Ferens Puşkaş, Janni Riwera, Huan Alberto Şiaffino, Sokrates, Françesko Totti, Ziko, Zinedin Zidan.
5-nji oktýabrda derwezeçilerden dalaşgärler hem-de goragçylaryň dörtlügi hödürlenipdi. Taryhyň iň gowy derwezeçisi diýen ugur boýunça teklip edilýän dalaşgärleriň arasynda Sowet futbolçysy Lew Ýaşin hem bar.
19-njy oktýabrda bolsa sag, merkezi we çep hüjümçilerden 10 dalaşgär yglan ediler.
“France Futbol” her bir orundaky taryhyň iň gowy oýunçysyny saýlamak üçin dünýäniň öňdebaryjy neşirlerinden 177 žurnalist bilen pikir soraşma geçirer. Saýlawyň ýeňijileri simwoliki topary emele getirer. Gutarnykly netijeler dekabr aýynda yglan ediler.
