Mioçiç Kormýeni ýeňip, agyr agramda çempionlyk derejesini saklap galdy

  • 16.08.2020 23:42
  • 9.9k+
Mioçiç Kormýeni ýeňip, agyr agramda çempionlyk derejesini saklap galdy

Amerikan söweşijisi Stipe Mioçiç öz ildeşi Daniel Kormýeni ýeňip, Absolýut söweş çempionatynda (UFC) agyr agramda çempionlyk derejesini saklap galdy. Tutluşyk Las Wegasda (Newada, ABŞ) UFC 252 ýaryşynyň çäginde geçirildi. Bu barada TASS habar berýär.

Mioçiç eminleriň biragyzdan gelen karary bilen ýeňiş gazandy. 37 ýaşly söweşiji garyşyk söweş sungatynda (MMA) 23 söweş geçirdi: şolaryň 20-si ýeňiş we 3-si ýeňliş. 41 ýaşly Kormýeniň hasabynda bolsa 22 ýeňiş bilen üç ýeňliş bar.
Bu söweş Kormýe bilen Mioçiçiň arasyndaky üçünji duşuşykdyr. 2018-nji ýylyň iýul aýynda bolup geçen birinji söweşde Kormýe nokaut bilen ýeňiş gazandy. 2019-njy ýylyň awgust aýynda geçirilen ikinji söweşde bolsa Mioçiç tehniki nokaut bilen garşydaşyndan üstün çykypdy.

Senegal Afrikanyň kubogyny elinden aldyrdy, çempion tituly Marokko berildi
şu gün 12:45
3.6k+

Senegal Afrikanyň kubogyny elinden aldyrdy, çempion tituly Marokko berildi

Senegalyň milli ýygyndysy 2025-nji ýylyň Afrika milletleriniň kubogynyň ýeňijisi diýen tituldan mahrum edildi. Afrikanyň futbol konfederasiýasy (CAF) Marokko futbol federasiýasynyň şikaýatyny kanagatlandyrdy we final duşuşygynyň netijesini üýtgetdi — indi senegallylara tehniki ýeňliş ýazyldy, ýeňiş bolsa resmi taýdan Marokkonyň ýygyndysyna berildi...

ÇL: «Budýo-Glimt» ertekisi tamamlandy, «Real» «Sitini» gaýtardy, PSŽ bolsa KDÇ üçin aryny aldy
şu gün 11:32
4.5k+

ÇL: «Budýo-Glimt» ertekisi tamamlandy, «Real» «Sitini» gaýtardy, PSŽ bolsa KDÇ üçin aryny aldy

18-nji marta geçilen gije Çempionlar ligasynyň çärýek finalyna çykan ilkinji dört topar belli boldy. Geçen oýunlara gysgaça syn bersek: «Budýo-Glimtiň» ertekisi Lissabonda tamamlandy Norwegiýanyň «Budýo-Glimt» topary ýaryşyň esasy açyşy hasaplanylýardy — topar kyn ýoly geçip, hatda «Interi» hem ýaryşdan gaýtarmagy başarypdy...

Türkmenistanyň küştçi gyzlary Buharadaky halkara ýaryşynda uly ýeňiş gazandy
şu gün 11:25
1.1k+

Türkmenistanyň küştçi gyzlary Buharadaky halkara ýaryşynda uly ýeňiş gazandy

2026-njy ýylyň 9 — 15-nji marty aralygynda Özbegistanyň Buhara şäherinde zenanlaryň arasynda IV halkara küşt ýaryşy geçirildi. Hindistandan, Russiýadan, Gazagystandan, Mongoliýadan, Awstriýadan, Belarusdan, Gyrgyzystandan we Özbegistandan gelen güýçli küştçüleriň gatnaşan bu bäsleşiginde Türkmenistanyň ýygyndy toparynyň agzalary ýokary netijeleri görkezdi...

Elman Tagaýew «Nebitçä» geçdi: Türkmenistanyň çempionatynyň esasy transferleri
düýn 20:20
6k+

Elman Tagaýew «Nebitçä» geçdi: Türkmenistanyň çempionatynyň esasy transferleri

Türkmenistanyň Futbol Federasiýasynyň (TFF) habar bermegine görä, futbol boýunça 2026-njy ýylyň futbol boýunça Türkmenistanyň çempionaty ýaryşy dört aýlawda geçiriler. Ýaryşyň ilkinji iki aýlawy 4-nji aprel — 20-nji iýun aralygynda dowam eder, galan oýunlar bolsa möwsümiň ikinji ýarymynda geçiriler...