Sport boýunça Arbitraž Kazyýeti «Mançester Sitiniň» ýüz tutmasyny kabul etdi we topara ýewrokuboklara gatnaşmaga rugsat berdi. Bu barada Euronews habar berýär.
Iňlis kluby fewral aýynda feýr-pleý düzgünini bozandygy üçin “şäherlileri” Ýewropa ýaryşlaryndan iki möwsümlik çetleşdiren UEFA-nyň kararyna garşy çykdy. "Mançester Siti" UEFA-nyň soňky kararyny makullaýar we onda klubuň eýeleýän ornunyň hem-de biziň ýetiren subutnamalarymyzyň ykraryny görýär. Klub komissiýanyň agzalaryna eden tagallalary we amallary dogry alyp barandyklary üçin sag bolsun aýdýar" – diýip, “şäherlileriň” resmi beýanatynda aýdylýar.
Sport boýunça Arbitraž Kazyýetiniň (CAS) karary bilen “Mançester Siti” Çempionlar ligasynyň 2020/2021 möwsümine gatnaşyp biler, sebäbi häzirki wagtda topar Angliýanyň premýer-ligasynda ikinji orny eýeleýär. Ýeri gelende bellesek, premýer-ligada üçünji orunda barýan Çelsi bilen “Şäherlileriň” arasynda 12 utuk tapawut bar.
Sport boýunça Arbitraž Kazyýeti «Mançester Sitä» ýewrokuboklara gatnaşmaga rugsat berdi
- 13.07.2020 17:25
- 8.7k+
