Messi karýerasyndaky 700-nji pökgüsini geçirdi

Ol futbol taryhynda iň köp gol salan oýunçylaryň birinji onlugyna girýär, häzirki oýunçylaryň arasynda bolsa ikinji orunda durýar, diýip sputnik.by habar berýär.
Argentinanyň hüjümçisi Lionel Messi Ispaniýanyň çempionatynda Madridiň Atletikosy bilen geçirilen oýunda Barselona üçin ýene bir pökgi geçirdi. Ol ikinji ýarymyň başynda jerime urgusyny gazandy. Bu gol alty gezek “Altyn topa” eýe bolan meşhur hüjümçi üçin professional karýerasynda 700-nji pökgi boldy.
Lionel Messi futbol taryhynyň iň gowy oýunçylaryndan biri hasaplanýar. Argentinaly oýunçy Barselonanyň düzüminde 630 pökgi, milli ýygyndyda bolsa 70 pökgi geçirdi. Häzirki oýunçylardan diňe Messi we Kriştiano Ronaldu karýeralarynda 700 ýa-da has köp pökgi geçirdi.
Iki türgen hem futbol taryhynda iň köp pökgi geçirenleriň arasynda durýar. Bu görkeziji boýunça öňdebaryjy, 1931-nji ýyldan 1955-nji ýyla çenli bolan resmi oýunlarda 810 pökgi geçiren awstriýaly hüjümçi Iosif Bitsandyr.