“Barselona” möwsüm tamamlanandan soň Setýeni işden çykarmagy meýilleşdirýär

Goal saýty “Barselonanyň” ýolbaşçylygynyň katalon klubynyň baş tälimçi wezipesinde Kike Setýeniň işiniň netijesinden nägiledigini habar berýär. Çeşmäniň maglumatlary boýunça, klubyň ýolbaşçylygy eýýäm şu möwsüm tamamlanandan soň, hünärmeni işden çykarmak kararyna geldi.
Ýatlap geçsek, Kike Setýen baş tälimçi wezipesinde Erneste Walwerdeniň ornuny çalşyryp, şu ýylyň ýanwarynda “Barselonanyň” baş tälimçisi boldy. Netijede, ol “gök-gyzyllaryň” liderligini elden gidirdi we häzirki wagtda ähli zat “Realyň” çempion bolmagyna alyp barýar, “Barselona” bolsa ikinji ýerde galýar.
Mundan başga-da, ol toparyň sylagyny hem ýitirdi. Ýöne eger-de topar La Ligada ýa-da Çempionlar ligasynda ýeňiş gazanyp bilse, ol öz wezipesinde galyp hem biler.
Öň, glas.ru Hawiniň “Barselona” ýolbaşçylyk etmek isleýändigini habar berdi. Ýanwarda oňa bu wezipe hödürlenildi, ýöne şonda ol munuň üçin zerur tejribäm ýok diýip hasaplady.
Çempionat dikeldilenden soň, gök-gyzyllar bäş oýun geçirdiler, üç gezek ýeňiş gazandylar we birinji setiri madridlilere bermek bilen, iki duşuşygy deňe-deň tamamladylar.